शिक्षाशास्त्रका विद्यार्थीले सामुदायिक बिद्यालयमा अनिवार्य इन्टर्न गर्न बजेट
काठमाडौँ, १५ जेठ । सरकारले शिक्षाशास्त्र संकायका विद्यार्थीलाई सामुदायिक बिद्यालयमा अनिवार्य इन्टर्न गर्न बजेट छुटाएको छ । अर्थमन्त्री युवराज खतिवडाले मंगलबार सांसदमा बजेट प्रस्तुत गर्दै शिक्षाशास्त्र संकायका स्नातकोत्तर विद्यार्थीहरुले अनिवार्यरुपमा सामुदायिक विद्यालयमा इन्र्टन गर्नका लागि बजेट छुटाएको उल्लेख गरेका छन् ।
यसैगरी विज्ञान गणित अंग्रेजीका लागि थप व्यवस्था शिक्षकका लागि बजेट छुटाइने भएको छ । संविधानमा उल्लेख भएअनुसार शिक्षा मानवअधिकारका रुपमा सुनिश्चित गरिएकाले अपांगता भएका फरक क्षमताका बालबालिकाका निम्ति विशेष शिक्षा लागू गरिने अर्थमन्त्री युवराज खतिवडाले मंगलबार प्रस्तुत गरेको बजेटमा उल्लेख छ ।
यस्तै दुर्गम स्थानका स्थानीय तहका सामुदायिक विद्यालयमा पौष्टिक दिवा खाजा उपलब्ध गराउने भएको छ । दलित तथा लोपोन्मुख समुदायको बालबालिका लागि निशुल्क उच्च शिक्षा उपलब्ध गराउने भएको छ ।
विद्यालय तथा छात्रावासको भौतिक निर्माणलाई बालमैत्री तथा अपांगतामैत्री तुल्याइने पनि उल्लेख छ । सातै प्रदेशमा पूर्वाधारयुक्त विशेष शिक्षालगायत आवासीय विद्यालयको संचालन गरिने भएको छ
हरेक स्थानीय तहामा प्राविधिक शिक्षा स्थापना गरिने र सबै सामुदायिक विद्यालयमा उच्च गतिको इन्टरनेट व्यवस्था गरिने भएको छ । सामुदायिक विद्यालय प्राविधिक शिक्षाका लागि ८४ करोड ३ लाख बजेट छुटाएको छ ।
सरकारले शैक्षिक प्रमाणपत्र धितो राखी ५ प्रतिशत ब्याजदरमा ७ लाखसम्म ऋण दिने भएको छ ।
नेपाली सांकेतिक भाषाको विकास तथा अनुसन्धान तथा व्यावसायिक रुपमा प्रवर्द्धनका कार्य गरिने पनि उल्लेख छ । मदरसा, गुम्बा, गुरुकुलजस्ता धार्मिक शिक्षासमेत आधुनिक शिक्षासँग जोडिने छ । विपन्न वर्गका विद्यार्थीलाई विद्यालयदेखि उच्च शिक्षा निस्शुल्क हुने बताइएको छ ।
दुई वर्षभित्र ‘साक्षर नेपाल’ घोषणा गरिने उल्लेख छ । भने सरकारले शिक्षामा १ खर्ब ३५अर्ब बजेट विनियोजन गरेको छ ।
