हमासका बरिष्ठ नेता मारिएको जवाफमा हिजबुल्लाहद्वारा इजरायली सैन्य पोष्टमा हमला


२२ पुष २०८०, आईतवार
hijbulla
तस्वीर : एजेन्सी

गाजा । लेबनानी सशस्त्र समूह हिजबुल्लाहले इजरायली सुरक्षा पोष्टमा हमला गरेका छन् । बेरुतमा हमास नेताको हत्याको प्रारम्भिक प्रतिक्रियाको रूपमा ६४ रकेटहरू इजरायली सैन्य ब्यारेजमा प्रहार गरेका हुन् । गाजामा इजरायलको युद्धबाट फैलिएको क्षेत्रीय द्वन्द्वमा लेबनानलाई समेत तानेकोबिरूद्ध यो चेतावनी दिएको हिजबुल्लाहले जनाएको छ ।

‘महान नेता शेख सालेह अल अरौरीको हत्या गर्ने अपराधको प्रारम्भिक प्रतिक्रियाको एक भागको रूपमा इस्लामिक प्रतिरोध हिजबुल्लाहले मेरोन एयर कन्ट्रोल बेसलाई ६४ विभिन्न प्रकारका क्षेप्यास्त्रहरूद्वारा निशाना बनाएको छ,’ इरान सम्बन्धित सो समूहले एक विज्ञप्तिमा भन्यो ।

इजरायली सेनाले यसअघि भनेको थियो कि लगभग ४० रकेटहरू मेरोन एयर निगरानी आधारतर्फ प्रहार गरिएको थियो र यसले रकेट प्रक्षेपणमा भाग लिने आतंकवादी सेललाई आक्रमण गरेर जवाफ दियो । उक्त जवाफी हमला पछि के कति हताहत वा क्षतिको तत्काल कुनै रिपोर्ट आएको छैन ।

शनिबार लेबनानको जमाआ इस्लामिया समूहले एक विज्ञप्तिमा भन्यो कि उसले उत्तरी इजरायलको किरियत शमोनामा दुईवटा रकेट प्रहार गरेको थियो । हिजबुल्लाहका नेता हसन नसरल्लाहले शुक्रबार भनेका थिए कि यदि लेबनानले हमासका उपप्रमुख अल अरौरीको हत्यामा प्रतिक्रिया नगरेमा सम्पूर्ण लेबनानको पर्दाफास हुनेछ र चेतावनी दिए कि यो पक्कै पनि प्रतिक्रिया र सजाय बिना जाने छैन । हिजबुल्लाहको गढमा मंगलबार इजरायली आक्रमणमा अल अरौरीको हत्या भएको थियो । एजेन्सी

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७