मेयर बालेनले गरे राष्ट्रियसभा चुनावको मतदान ‘वहिष्कार’
काठमाडौं । राष्ट्रियसभा निर्वाचनमा काठमाडौं महानगरका प्रमुख बालेन्द्र साह (बालेन) ले भाग नलिने भएका छन् ।
राष्ट्रियसभा सदस्य निर्वाचनमा बालेनले भाग नलिने उनको सचिवालय स्रोतले जनाएको छ ।
गत मंसिर ४ गते भएको प्रदेशसभा चुनावमा पनि बालेनले मतदान गरेका थिएनन् । उपप्रमुख सुनिता डंगोल भने निर्वाचनमा भाग लिन हेटौंडा पुगिसकेकी छन् । बागमती प्रदेशको तर्फबाट राजधानी हेटौंडामा ४ सिटका लागि मतदान भइरहेको छ । बालेनका प्रमुख स्वकीय सचिव भूपदेव शाहले मेयर शाह हेटौंडा नगएको जानकारी दिंदै भने, ‘उहाँ कार्य व्यस्तताले नजानु भएको हो । बेलुकासम्म पनि जानु हुन्न ।’