रविको चुनौति : आरोपको जवाफ दिएर साध्य हुँदैन, सहकारी ठगीमा दोष प्रमाणित गरेर देखाऊ
अर्घाखाँची । राष्ट्रिय स्वतन्त्र पार्टी (रास्वपा) का सभापति रवि लामिछानेले सहकारी ठगी प्रकरणमा आफ्नो दोष प्रमाणित गरेर देखाउन सरकारलाई चुनौती दिएका छन् ।
आज (शनिबार) अर्घाखाँचीमा आयोजित पत्रकार सम्मेलनमा सोधिएको प्रश्नहरूको जवाफ दिंदै पूर्व गृहमन्त्री समेत रहेका रास्वपा सभापति लामिछानेले आफूविरुद्ध छानबिन गरेर दोषी प्रमाणित गर्न सरकार तथा सम्बन्धित निकाय स्वतन्त्र रहेको बताए ।
‘मलाई लागेका आरोपको जवाफ दिएर साध्य हुँदैन, छानबिन गरे हुन्छ सम्बन्धित निकायले, दोषी देखिए कारबाही गरे हुन्छ’, उनले भने । आरोप लाग्दैमा प्रमाणित भए जसरी बुझ्ने मानसिकता भएको भन्दै उनले रास्वपा यस्ता आरोपबाट नडराउने बताए । सहकारीका विषयमा आएका समाचारबारे आफूले पत्रकार सम्मेलन गरेर तथा सामाजिक सञ्जालमार्फत प्रष्ट पारिसकेको पनि उनले बताएका छन् ।
