क्याप्टेन अनमोल अब ‘व्याचलर बन्टी’
0
Shares
काठमाडौं, २० जेठ । युवा स्टार अनमोल केसीको अब ‘व्याचलर बन्टी’ बन्ने भएका छन् । अहिले ‘क्याप्टेन’ को छायांकनमा व्यस्त अनमोलले केही समयअघि दुई वटा फिल्मका लागि साइन गरेका थिए । झरना थापाको निर्देशनमा बन्ने ‘ए मेरो हजुर–३’ का साथै मिलन चाम्सले निर्देशन गर्ने फिल्मको नाम टुङ्गो लाग्न बाँकी थियो ।
अहिले भने अनमोलको उक्त फिल्मको नाम जुरेको छ, ‘ब्याच्लर बन्टी’। छायांकन शुरु हुनु धेरै समयअघि नै अनमोललाई फिल्ममा अनुबन्ध गरिएको थियो । अनमोल ‘क्याप्टेन’ पछि ‘ए मेरो हजुर ३’ मा व्यस्त रहने छन् । यसपछि मात्र फिल्म ‘ब्याचलर बन्टी’ को सुटिङ शुरु हुनेछ । प्रदीप भारद्वाजको लेखनमा बन्ने ‘ब्याचलर बन्टी’ को अधिकांश दृष्य विदेशमा छायांकन गरिने जनाइएको छ ।
