तस्वीरमा एमाले केन्द्रीय कमिटी बैठक
![](https://www.nayapage.com/wp-content/uploads/2024/02/amale-kendriya-kamiti-11.jpg)
काठमाडौं । नेकपा एमालेको केन्द्रीय कमिटी बैठक बसिरहेको छ । च्यासलस्थित पार्टी कार्यालयमा अध्यक्ष केपी शर्मा ओलीले बैठकको उद्घाटन गरेका हुन् । मंगलबारदेखि बिहीबारसम्म तीन दिन बैठक चल्नेछ ।
![](https://www.nayapage.com/wp-content/uploads/2024/02/amale-kendriya-kamiti-1-768x512.jpg)
बैठकले एमालेको आगामी कार्यक्रमका बारेमा विविध निर्णय गर्ने जनाइएको छ । यो बैठक बिहीबारसम्म चल्नेछ । एमालेका अनुसार बैठकका लागि ६ वटा कार्यसूची तयार गरिएको छ । बैठकका लागि जनपरिचालन र जनदबाब, राजनीतिक स्थितिको समीक्षा, संगठनात्मक प्रतिवेदन, संगठन शुद्धीकरणबारे विशेष कार्य योजना तर्जुमा लगायत कार्यसूची छन् ।
![](https://www.nayapage.com/wp-content/uploads/2024/02/amale-kendriya-kamiti-2-768x512.jpg)
एमालेले गठबन्धन सरकारले मुलुक र जनताविरुद्ध ज्यादती गर्न थालेको, राष्ट्रिय स्वाधीनतामाथि गम्भीर आँच आउने काम गरेको निष्कर्ष निकालेर सडक आन्दोलनमा जाने तयारी गरेको छ। त्यसको तयारीका लागि यो बैठक डाकिएको हो ।
यो बैठकमा अध्यक्ष केपी शर्मा ओलीले लिखित प्रतिवेदन पेश गर्ने छैनन् । उनले मुलुकको परिस्थितिबारे विश्लेषण मौखिक रुपमै सुनाउने छन् । सरकारको काम कारबाही, पार्टीका तत्कालीन कार्यदिशाबारे पनि ओलीले बोल्ने छन् । गठबन्धन सरकारका राष्ट्रिय हित, जनसरोकार र सुशासनमा गम्भीर बिचलन आएको निष्कर्ष एमालेको छ ।
![](https://www.nayapage.com/wp-content/uploads/2024/02/amale-kendriya-kamiti-3-768x512.jpg)
यसअघि एमाले सचिवालय बैठक गत बिहीबार बसेको थियो। जसले सरकारविरुद्ध जनपरिचालन गर्ने निर्णय गरेको थियो । एमालेको उक्त निर्णयपछि भ्रातृसंगठन अनेरास्ववियुले चरणबद्ध आन्दोलन घोषणा गरिसकेको छ । एमालेले मंसिरमा मध्यपहाडी मिसन ग्रासरुट अभियान चलाएपछि पार्टी संगठनलाई सक्रिय बनाइरहेको छ । यही बेला एमालेले धमाधम जिल्ला अधिवेशन पनि गर्दैछ ।
![](https://www.nayapage.com/wp-content/uploads/2024/02/amale-kendriya-kamiti-4-768x491.jpg)
![](https://www.nayapage.com/wp-content/uploads/2024/02/amale-kendriya-kamiti-5-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-6-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-7-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-8-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-9-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-10-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-11-1-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-12-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-13-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-14-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-15-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-16-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-17-768x481.jpg)
![](https://www.nayapage.com/wp-content/uploads/2024/02/amale-kendriya-kamiti-18-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-19-768x512.jpg)
![](https://www.nayapage.com/wp-content/uploads/2024/02/amale-kendriya-kamiti-20-768x512.jpg)