संबैधानिक राजतन्त्रको माग गर्दै राप्रपाले आज ज्ञापन पत्र बुझाउने
काठमाडौं । राष्ट्रिय प्रजातन्त्र पार्टीले आज (बुधबार) सरकारलाइ ज्ञापन पत्र बुझाउँदैछ । संबैधानिक राजतन्त्र, हिन्दु राष्ट्र र संङघीयता खारेजीको माग गर्दै राप्रपाले आज सरकारलाइ ज्ञापन पत्र बुझाउन लागेको हो ।
राप्रपा प्रचार बिभाग प्रमुख मोहनकुमार श्रेष्ठका अनुसार प्रधानमन्त्री पुष्पकमल दाहाल ‘प्रचण्ड’ सहित देशका सबै जिल्लामा प्रमुख जिल्ला अधिकारीमार्फत सरकारलाई विभिन्न माग सहितको ज्ञापनपत्र बुझाउन लागेको हो । राप्रपाले सरकारलाइ आफना माग राख्दै चरणबद्ध आन्दोलनको तयारीमा रहेको छ ।
