.gif)
.gif)
.png)
विहे गरेको तीन वर्षसम्म सन्तान नभएपछि मनिषाले अस्पताल पुगेर चोरेकी थिइन् शिशु
काठमाडौंं । काठमाडौंको थापाथलीस्थित प्रसुति गृहबाट शिशु चोरी गर्ने महिलासहित तीन जनालाई प्रहरीले पक्राउ गरेको छ । दैलेख घर भई हाल काठमाडौंको काडाँघारी बस्ने मनिषा सिंह र श्रीमान र उनकी आफन्तीलाई प्रहरीले पक्राउ गरेको हो ।
शिशुसहित उनीहरुलाई शुक्रबार राति ११ः४५ बजे काठमाडौँ उपत्यका अपराध अनुसन्धान कार्यालय र जिल्ला प्रहरी परिसर काठमाडौँको टोलीले काँडाघारीबाट पक्राउ गरेको हो । मनिषाका श्रीमान नेपाली सेनामा कार्यरत छन् । विहे गरेको तीन वर्षसम्म पनि सन्तान नभएपछि मनिषाले बालिकाको चोरी गरेको पाइएको अपराध महाशाखाका एसपी रविन्द्र रेग्मीले जानकारी दिएका छन् ।
प्रहरी पुग्दा आफू भर्खरै सुत्केरी भएका् र आफनै बच्चा भएको दाबी गरेकी थिइन् । एसपी रेग्मीका अनुसार मनिषाले आफू सुत्केरी भएको छिमेकी र आफन्तलाई जानकारी समेत गराएकी थिइन् । उनले बाटोमा शिशु जन्माएर ल्याएको दावी गरेकी थिइन् ।
