माओवादीका तीन मन्त्री दोहोरिंदा, सुदन किराती ‘आउट’, नारायणकाजीको ‘सरुवा’
![](https://www.nayapage.com/wp-content/uploads/2024/03/sudan-out.jpg)
काठमाडौं । नयाँ बनेको गठबन्धनबाट प्रधानमन्त्रीसहित नेकपा माओवादी केन्द्रले ६ मन्त्रालय पाएको छ । प्रधानमन्त्री पुष्पकमल दाहाल ‘प्रचण्ड’ सहित नारायणकाजी श्रेष्ठ, शक्ति बस्नेत र रेखा शर्मा मन्त्रीमा दोहोरिएका छन् । तर, सुदन किराती भने ‘आउट’ भएका छन् ।
यसअघि उपप्रधानसहित गृहमन्त्री बनेका नारायकाजीलाई यस पटक सरुवा भएर उपप्रधान एवम् परराष्ट्र मन्त्रालयको जिम्मेवारी पुगेका छन् । त्यस्तै शक्तिले उर्जा र रेखाले सञ्चार पुरानै मन्त्रालय पाएका छन् । यसअघि सुदनले पाएको मन्त्रालय माओवादी केन्द्रकै नेता हितबहादुर तामाङले पाएका छन् । तामाङ पहिलो पटक मन्त्री बन्दै छन् ।