बी एन्ड सी मेडिकल कलेजको सम्बन्धन विवादमा सर्वोच्चले चैत १२ गते फैसला सुनाउने
काठमाडौं । बि एन्ड सी मेडिकल कलेजको सम्बन्धका विषयमा सर्वोच्च अदालतले फैसला दिने भएको छ । व्यवसायी दुर्गा प्रसाईंले दायर गरेको दुई र अर्को एक रिटमाथि १२ चैतमा फैसला आउने भएको हो ।
तीन दिनको सुनुवाइपछि मेडिकल कलेजको सम्बन्धका विषयमा सर्वोच्चले निर्णय सुनाउने मिति तोकेको हो । न्यायाधीशहरू कुमार चुडाल र शारंगा सुवेदीको इजलासले तीन वटै रिटमाथि १२ चैतमा फैसला दिने भएको हो ।
मेडिकल शिक्षा अध्यापनका लागि सरकारबाट एलओसी पाएर संरचना निर्माण गरे झापाको बिर्तामोडस्थित उक्त कलेजलाई सम्बन्धन नदिइएको विषयमा प्रसाई समेतले विभिन्न मितिमा रिट दर्ता गराएका थिए । कलेजकै विषयमा ०७७ देखि ०७८ सम्म तीन रिट परेका थिए ।
