भारतमा गुजरातलाई हराउँदै नेपालले जित्यो उपाधि
काठमाडौं । नेपालले भारतमा भएको एसएमएस फ्रेन्डसिप कपको उपाधि जितेको छ । भारतको गुजरातमा आइतबार भएको फाइनल खेलमा गुजरातलाई १८ रनले पराजित गर्दै नेपालले उपाधि जितेको हो । नेपालले दिएको १७८ रनको लक्ष्य पछ्याउने क्रममा गुजरात १५८ रनमै समेटियो ।
नेपालका लागि अविनाश बोहराले तीन, दीपेन्द्रसिंह ऐरीले दुई, करण केसी र कुशल मल्लले एक–एक विकेट लिए । यसअघि ब्याटिङ गरेको नेपालले चार विकेटको क्षतिमा १७६ रन बनाएको थियो । नेपालका लागि रोहित पौडेलले ७४ र आशिफ शेखले ३४ रन बनाएका थिए । त्यस्तै, गुजरातका लागि सेन पटेल र तेजस पटेलले एक–एक विकेट लिएका थिए । प्रतियोगितामा बरोदाले पनि प्रतिस्पर्धा गरेको थियो । नेपाल र गुजरात फाइनलमा पुगेका थिए भने बरोदा लिग चरणबाटै बाहिरिएको थियो ।