बालुवाटारमा प्रधानमन्त्री प्रचण्ड र एमाले अध्यक्ष ओलीबीच भेटवार्ता
काठमाडौं । प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र सत्ता साझेदार नेकपा एमालेका अध्यक्ष केपी शर्मा ओलीबीच भेटवार्ता जारी छ । उनीहरुबीच समसामयिक विषयमा छलफल भइरहेको बालुवाटार स्रोतले जनाएको छ ।
लुम्बिनी प्रदेशका नव नियुक्त मुख्यमन्त्री जोखबहादुर महराले आज (शुक्रबार) विश्वासको मत लिँदैछन् । तर एकीकृत समाजवादीले सहमति कार्यान्वयन नहुँदासम्म विश्वासको मत दिन नसकिने अडान राखेपछि सत्तारुढ दलका शीर्ष नेताबीच छलफल भएको हो । सरकार गठन हुँदा नेकपा एकीकृत समाजवादीर नागरिक उन्मुक्ति पार्टीले सहमति नभए विश्वासको मत नदिने अडान राखेर बार्गेनिङ गरिरहेका छन् । प्रधानमन्त्री प्रचण्डले आज दिउँसो मन्त्रिपरिषद् बैठक समेत बोलाएका छन् ।