एसीसी प्रिमियर कप : नेपालले कतारविरुद्ध पहिला ब्याटिङ गर्ने
काठमाडौँ । ओमानमा जारी एसीसी प्रिमियर कप क्रिकेट प्रतियोगिताअन्तर्गत नेपालले कतारविरुद्ध पहिला ब्याटिङ गर्ने भएको छ । समूह ‘ए’ अन्तर्गत टस जितेर नेपालले कतारविरुद्ध पहिला ब्याटिङ गर्ने निर्णय गरेको हो ।
नेपालले कतारलाई भने पहिला बलिङका लागि निम्तो दिएको छ । यसअघि नेपालले शुक्रबार मलेसियालाई ५ विकेटले पराजित गरेको थियो । कतारले भने हङकङसँग २६ रनको पराजय भोगेको थियो ।
कतारविरुद्ध खेल्ने नेपाली टोलीमा रोहित पौडेल, कुशल भुर्तेल, सन्दीप जोरा, गुल्सन झा, विवेक यादव, अविनाश बोहरा, सोमपाल कामी, दीपेन्द्र सिंह ऐरी, ललित राजवंशी,कुशल मल्ल र आसिफ शेख रहेका छन् । नेपालले शनिबारको खेलमा करण केसीको ठाउँमा विवेक यादवलाई खेलाउने भएको छ ।
