काठमाडौंमा दिउँसै लुटियो १८ लाख
काठमाडौं, २५ जेठ । काठमाडौँ उपत्यकामा दिनदहाडै १८ लाख रुपैँया लुटिएको छ । काठमाडौँको साँखु आसपास क्षेत्रबाट शुक्रबार दिउँसो १८ लाख रुपैँया लुटिएको प्रहरीले जनाएको छ । शंखरापुल नगरपालिकाको साँखु क्षेत्रमा वीरेन तामाङबाट १८ लाख लुटपाट भएको प्रहरीले जनाएको छ ।
ताप्लेजुङ फुङलिङ नगरपालिका–१ घर भई काठमाडौंको स्वयम्भु बस्दै आएका तामाङलाई अज्ञात समूहले काम छ भन्दै बोलाएर लुटपाट मच्चाएको प्रहरीको भनाइ छ । घटनाको जानकारी पाउन साथ चाँगुनारायण प्रहरी प्रभागबाट प्रहरीको टोली घटनास्थलमा पुगेको छ ।
