एकल महिलासँग भाइ बनेर नजिकिए सिद्धार्थ, पछि अश्लील भिडिओको आडमा पटक–पटक गरे करणी
काठमाडौं । अश्लील भिडिओ बनाएर ‘ब्ल्याक मेल’ गर्दै पटक–पटक करणी गरेको आरोपमा रुपन्देहीबाट एक युवक पक्राउ परेका छन् । बुटवल उपमहानगरपालिका–१३ मा बस्ने ३६ वर्षीय सिद्धार्थ गुरुङ महिलालाई करणी गरेको अभियोगमा पक्राउ परेका हुन् ।
एकल महिलालाई ‘ब्ल्याक मेल’ गरी जबरजस्ती करणी गरेको अभियोगमा जिल्ला प्रहरी कार्यालय रुपन्देहीले पक्राउ गरेको हो । गुरुङले लगातार धम्की दिएर ती महिलालाई करणी गरेको आरोप लागेको छ । महिलाले दिएको उजुरीको आधारमा पक्राउ गरिएको प्रहरीले जनाएको छ ।
गुरुङले शुरुमा ती महिलालाई दिदी भनेर नाता लगाएको र पछि अश्लील भिडिओ बनाएर पटक–पटक बलात्कार गरेको महिलाको आरोप छ । ती महिला र गुरुङ केही समय व्यापारिक साझेदार समेत रहेको खुलेको छ ।
