शैक्षिक प्रमाणपत्र धितोमा ऋण दिन शुरु
गुल्मी, २७ जेठ । सरकारले ल्याएको शैक्षिक प्रमाण–पत्र धितोमा विद्यार्थीलाई ऋण दिने कार्यक्रम लागू भएको छ । सोही कार्यक्रम अनुसार गुल्मीमा शैक्षिक प्रमाणपत्र धितो राखेर ऋण दिन शुरु गरिएको छ । सरकारले घोषणा गरेको शैक्षिक प्रमाणपत्र धितोमा राखेर युवाहरुलाई ऋण दिने घोषणा गरेको थियो ।
शैक्षिक प्रमाणपत्र राखेर ऋण दिने सरकारको घोषणा कार्यान्वयन गर्दै जिल्ला युवा समितिको कार्यालय गुल्मीले जिल्लाका तीन वटा युवा समूहलाई प्रति समूह पाँच लाखका दरले ऋण दिएको हो । जसमा इन्द्रेणी बहुउद्देश्यीय युवा कृषक समूह, सालिमे उन्नत पशुपालन तथा दुग्ध उत्पादन समूह र उर्लेनी बहुउद्देश्यीय युवा कृषक समुह परेका छन् ।
जिल्ला समन्वय समिति प्रमुख लक्ष्मण पराजुलीले उनीहरुलाई चेक र व्यानर प्रदान गरेका छन् ।