चितवनबाट फर्के लगत्तै सिंहदरबारमा प्रचण्ड, ओली र रवि छलफलमा


३१ बैशाख २०८१, सोमबार
prachanda kp oli rabi 1
फाइल फोटो

काठमाडौँ । संसदको अवरोध खुलाउने विषय पेचिलो बनेसँगै प्रधानमन्त्री पुष्पकमल दाहाल ‘प्रचण्ड’ ले नेकपा एमालेका अध्यक्ष केपी शर्मा ओली र उपप्रधान एवं गृहमन्त्री रवि लामिछानेसँग छलफलमा जुटेका छन् ।

आइतबार चितवन गएका प्रधानमन्त्री प्रचण्ड सोमबार काठमाडौँ फके लगतै ओली र लामिछानेसँग छलफलमा जुटेका हुन् । प्रधानमन्त्री तथा मन्त्रिपरिषद् कार्यालयमा अहिले उनीहरूबीच छलफल जारी रहेको स्रोतले जनाएको छ । विशेष गरी संसदको गतिरोध अन्त्य गर्नेबारे उनीहरूबीच छलफल चलिरहेको स्रोतले बताएको छ ।

भोलि (मंगलबार) साँझ ६ बजे संघीय संसद्को संयुक्त बैठकमा सरकारको नीति तथा कार्यक्रम प्रस्तुत हुँदैछ । राष्ट्रपति रामचन्द्र पौडेलले प्रस्तुत गर्ने नीति तथा कार्यक्रम कांग्रेसले अवरोध नगरोस् भनेर दलहरू सहमतिको प्रयासमा छन् । कांग्रेसले गृहमन्त्री रवि लामिाछानेमाथि संसदीय छानबिन समिति बनाउनुपर्ने माग राख्दै संसद् अवरोध गर्दै आएको छ ।

प्रतिक्रिया
  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७