ग्वार्कोमा गाडीले ठक्कर दिंदा सिरहाका युवकको मृत्यु, चालकको खोजी हुँदै
काठमाडौं । ललितपुर महानगरपालिका–१७ ग्वार्कोमा गाडीले ठक्कर दिंदा एक जनाको ज्यान गएको छ । मृत्यु हुनेमा सिराहा घर भई कोटेश्वर बस्दै आएका ३२ वर्षीय जयनाथ यादव रहेका छन् ।
प्रदेश ०२–०१–००२ प ९१७५ नम्बरको मोटरसाइकललाई राति १० बजेतिर ग्वार्कोमा पहिचान नभएको गाडीले ठक्कर दिएको थियो । गाडीको ठक्करबाट गम्भीर घाइते भएका यादवलाई उद्धार गरी बी एन्ड बी अस्पताल पुर्याइएकोमा चिकित्सकले मृत घोषणा गरेका थिए । उनको शव अस्पतालमै छ ।
‘घटनास्थल आसपासका सीसीटीभी क्यामेरा फुटेज हेर्दा टिपरले ठक्कर दिएको जस्तो देखिन्छ’, एसपी नरेशराज सुवेदीले भने, ‘हामी व्यापक खोजी गरिरहेका छौँ ।’ यादवको शव बीएन्डबी अस्पतालमै रहेको प्रहरीले जनाएको छ ।
