अरुण तेस्रोकाे कार्यालय तुम्लिङटारमा तीन बम बिष्फोट
संखुवासभा, ३० जेठ । संखुवासभाको खाँदवारी नगरपालिका–९ तुम्लिङटारस्थित अरुण तेस्रा जलविद्युत आयोजनाको कार्यलयमा सकेट बम बिष्फोट गराएको छ ।
आयोजनाको प्रमुख प्रशासकीय कार्यालयलाई लक्षित गरी अज्ञात समूहले गएराति पौने १ बजेतिर तीनवटा सकेट बम प्रहार भएको जिल्ला प्रहरी कार्यालय संखुवासभाका डीएसपी श्यामकुमार सारु मगरले बताए ।
उनले बिष्फोट गराइएको ठाउँमा तीन ओटा खाडल भेटिएकाले तीन ओटा बम बिष्फोट गराइएको हुन सक्ने बताए।
आयोजनाको परिसरमा बिष्फोट गराइएकाले भौतिक क्षति हुनबाट भने जोगिएको छ । यसअघि भारतीय प्रधानमन्त्री नरेन्द्र मोदीको पछिल्लो नेपाल भ्रमणको पूर्वसन्ध्यामा गत वैशाख १६ गते कम्पाउन्ड वालमै बम प्रहार भएको थियो । अहिलेसम्म दुईवटै घटनाको जिम्मा कसैले पनि लिएको छैन ।
बम फ्याँक्ने समूहको खोजी जारी रहेको जानकारी दिए । बम पड्काउने भोजपुर तीरबाट आएको हुन सक्ने प्रहरीले जनाएको छ ।
अरुण तेस्रो जलविद्युत आयोजना ९ सय मेगावाट क्षमताको हो ।