मुग्लिनमा नाला खन्ने क्रममा खसेको ढुङ्गाले लागेर एकको मृत्यु
चितवन । मुग्लिङ–नारायणगढ सडक खण्डमा नाला खन्ने क्रममा खसेको ढुङ्गाले लागेर एक जनाको मृत्यु भएको छ । आइतबार बिहान इच्छाकामना गाउँपालिका–५, स्थित तीन नम्बर पुल नजिक नाला खन्ने क्रममा माथिबाट झरेको ढुङ्गाले लाग्दा एक जनाको मृत्यु भएको प्रहरीले जानकारी दिएको छ ।
मृतकको परिचय खुलिनसकेको चितवनका प्रहरी नायव उपरीक्षक भेषराज रिजालले जानकारी दिए । ढुङ्गाले निर्माण कम्पनीको मेसिनमा क्षति पुगेको सडक डिभिजन भरतपुरका सूचना अधिकारी चण्डेश्वर साहले जानकारी दिए । हाल उक्त सडकखण्डमा एकतर्फी सवारी सञ्चालनमा रहेको उनले जानकारी दिए ।
