सुनकोशी नदीमा नुहाउने क्रममा डुबेर महिलाको मृत्यु

---

नयाँ पेज

२०८१ जेठ २९ मंगलबार ०७:०३ बजे

सिन्धुली । सिन्धुलीको गोलन्जोर गाउँपालिका–६ हैबार कटहरे नजिक सुनकोशी नदीमा डुबेर एक महिलाको ज्यान गएको छ । साथीसंगीसँग नुहाउन गएकी वडा नं ६ कै मेवाबोटेकी ३० वर्षीय चन्द्रकला हायूको सुनकोशी नदीमा डुबेर मृत्यु भएको प्रहरीले जनाएको छ ।

नुहाउने क्रममा ढुंगामा चिप्लिएर सुनकोशीमा बेपत्ता भएकी हायूको शव खोजतलास गर्दा नदीको बीच भागमा फेला परेको सिन्धुली प्रहरी प्रमुख एसपी गाोविन्द काफ्लेले जानकारी दिए । हायूको शवको मंगलबार नै सिन्धुली अस्पतालमा पोष्टमार्टम गरी परिवारलाई बुझाउने तयारी भइरहेको प्रहरीले जनाएको छ । गर्मी बढेसँगै नदीनालामा नुहाउन जानेहरुको संख्या बढेकाले सचेत हुने समेत उनले आग्रह गरेका छन् ।