मलेसियामा नेपाली कामदार सवार बस दुर्घटना, ३६ घाइते
काठमाडौं, ११ असार । मलेसियाको पेनाङस्थित पया र्टेवोङमा बस दुर्घटना हुदाँ कम्ती ३६ नेपाली कामदार घाइते भएका छन् । ६० जना कामदार सवारी वस सोमबार बिहान दुर्घटना हुदाँ कम्तीमा ३६ जना नेपाली कामदार घाइते भएको घाइते दाङका सागर मगर जानकारी दिए ।
प्लेकसस् कम्पनीको ‘सी’ साइडमा काम गर्न जानेक्रममा ती कामदार चढेको बस सडकमा पल्टिएको हो । स्थानीय समय अनुसार बिहान साढे ५ बजे बस दुर्घटना भएको हो ।
उनीहरुको पालुवा पेनाङ अस्पतालमा उपचार भइरहेको छ । अधिकांश घाइतेको टाउको, हात र खु्ट्टामा चोट लागेको छ । घटना लगत्तै मलेसियाको उद्धार टोली आएर अस्पताल लगेको थियो । उप्रेतीले केहीको अवस्था गम्भीर भएपनि अधिकांश सामान्य अवस्थामा रहेको जानकारी दिए ।
प्लेकसस् अमेरिकी कम्पनी हो । विद्युतीय सामान उत्पादन गर्ने यो कम्पनीमा नेपाली मात्रै एकहजार भन्दा बढी कार्यरत छन् । उनीहरुले ओभरटाइससहित झन्डै १७ सय रिंगेटसम्म कमाउने गरेका छन् ।