चीन भ्रमणबारे प्रधानमन्त्रीले संसदमा सम्बोधन गर्ने
काठमाडौं, ११ असार । प्रधानमन्त्री केपी शर्मा ओलीले हालै सम्पन्न चीन भ्रमणको विषयमा संसदमा सम्बोधन गर्ने भएका छन् । संसदको सोमबार दिउँसो बस्ने बैठकमा प्रधानमन्त्री ओलीले चीन भ्रमणका बारेमा जानकारी गराउन लागेको हो ।
यसअघि प्रधानमन्त्रीले चीन भ्रमणमा जानुपूर्व असार ४ मा संसदको बैठकलाई सम्बोधन गरेका थिए ।चीन भ्रमण सकेर प्रम ओली आइतवार स्वदेश फर्किएका हुन् । विदेश भ्रमणमा जानुपूर्व र फर्केपछि प्रधानमन्त्रीले सम्बोधन गर्ने संसदीय परम्परा छ ।
११९ सदस्यीय जम्बो प्रतिनिधि मण्डलको नेतृत्व गर्दै असार ५ गते चीन भ्रमणमा गएका थिए ।