डिफेन्डिङ च्याम्पियन जर्मनीको ऐतिहासिक हार, ८० वर्षपछि समूह चरणबाटै बाहिरियो
काठमाडौं, १३ असार । रसियामा जारी विश्वकपमा डिफेन्डिङ च्याम्पियन जर्मनी समूह चरणबाटै बाहिरिएको छ । १९३८ पछि जर्मनी पहिलोपटक विश्वकपको दोस्रो चरणमा पुग्न असफल भएको हो । समूह चरणको अन्तिम खेलमा कोरियासँग २–० गोलले पराजित हुँदै ८० वर्षपछि दोस्रो चरणमा पुग्न नसकोको हो । त्यतिबेला स्विट्जरल्याण्डसँग ४–२ले पराजित बन्दै जर्मनी दोस्रो चरणमा प्रवेश गर्न असफल भएको थियो ।
रसियाको कजान एरिना स्टेडियममा जर्मनीलाई हराउँदै एसियाली मुलुक कोरियाले समूहमा तेस्रो भएर रसिया विश्वकप अन्त्य गरे । भने जर्मनी चौथौं स्थानमा रहे । खेलमा दक्षिण कोरियाले खेलको अतिरक्ति समयको चार मिनेट भित्र दुई गोल गर्दै साविक विजेतालाई घरको बाटो देखाए ।
दक्षिण कोरियालाई सनसनीपूर्ण जित दिलाउने क्रममा खेलको अतिरिक्त समयको चौथो मिनेटमा किम योङ व्गान र ९८ औँ मिनेटमा हेयुङ मिन सनले गोल गरे ।
जर्मनी हार र दक्षिण कोरियाको जितसँगै समूह ’एफ’बाट स्वीडेन विजेता र मेक्सिको उपविजेता बन्दै दोस्रो चरणमा प्रवेश गरेको छ । ६ अंक नै जोडेको मेक्सिको गोल अन्तरलेपछि पर्दै उपविजेता बनेकाे हाे । स्वीडेन र मेक्सिकोबीचको खेलमा स्वीडेन ३ गोलले विजयी भएको थियो
जर्मनी समूह चरणबाटै बाहिरिसँगै लगातार तेस्रो विश्वकपमा डिफेन्डिङ च्याम्पियन सुरूमै घर फर्केको रेकर्ड बनेको छ । यसभन्दा पहिले सन् २०१० मा इटाली र २०१४ मा स्पेन समूह चरणबाटै बाहिरिएका थिए । भने सन २००२ मा फ्रान्स बाहिरिएको हो ।
दक्षिण कोरियाबाट विश्वकपमा जर्मनी पहिलो पटक हारेको हो । एसियाली टिमविरूद्ध विश्व कपमा जर्मनीको पहिलो हार पनि हो । जर्मनीले यसअघिका तीन भिडन्तमा कुनै पनि एसियाली राष्ट्रलाई एक गोल पनि गर्न दिएको थिएन ।
विश्व कपमा दक्षिण कोरियाविरूद्ध जर्मनीले खेलेको तीन खेलमा जर्मनीले दुई जितेको छ । यसभन्दा पहिले दक्षिण कोरियाविरूद्ध जर्मनीलाई सन् २००४ मा खेलेको एक मैत्रीपूर्ण खेलमा जित मिलेको थियो । जर्मनीले कोरियालाई सन् १९९४ को विश्व कपमा ३–२ र सन् २००२ को सेमिफाइनलमा १–० ले हराएको थियो ।