बलिउड अभिनेत्रीले गरिन् यसरी काठमाडौंको बदनाम
काठमाडौं, १७ असार । सामाजिक सञ्जाल आफ्नो मनका कुरा पोख्ने र सार्वजनिक गर्ने मुखय थलो बनिरहेको छ । सामाजिक सञ्जालमा लेखेका सबै कुरा सकारात्मक मात्र हुँदैनन् कहिलेकाहीं सामाजिक सञ्जालमा फ्याट्ट लेखेको कुरा अरुले गलत रुपमा बुझ्न पनि सक्छन् ।
बलिउड अभिनेत्री जुही चावलाले ट्वीटरमामार्फत गरेको काठमाडौंको भ्रमण अनुभवले अहिले काडमाडौंलाई मात्र बदनाम गरेको छैन उनको समेत अलोचना हुन थालेको छ ।
अभिनेत्री चावलाले काठमाडौं भ्रमणका क्रममा धूलो, धुँवा, ट्राफिक जाम र फोहरले समस्या भएको ट्वीट गरेकी छिन् । अभिनेत्री चावलाले फोहर, धूलो, धुँवाका कारण आफूले नाक मुखमा मास्क लगाएर यात्रा गरेको ट्वीटमार्फत जनाएकी छिन् ।
शनिबार अभिनेत्री चावलाले पशुपतिनाथको मन्दिरमा पूजा गरेपछि गाडी कुर्दै गरेका बेला मुख छोपेर बसेको तस्बिर पनि ट्वीट गरेकी छिन् । उनको ट्वीटले काठमाडौंको बास्तविकता झल्काए पनि त्यसबाट नेपाली समर्थकहरूको मन दुखाएको छ । बलिउड अभिनेत्री चावलाको ट्वीटको नेपालीहरूले सामाजिक सञ्जालमा आलोचना गरेका छन् ।
बेलाबेला बलिउडका कलाकारले नेपालविरुद्ध अभिव्यक्ति दिने गरेका छन् । उनीहरूले नेपाललाई होच्याउने गर्दा नेपालीहरूको आलोचना पनि खेप्दै आएका छन् । उनको ट्वीटले पनि नेपालको भौतिक विकासको अवस्थालाई खिसी गरेको रुममा धेरैले बुझेका छन् ।
यस्ताे लेखिन्