अचानक अर्धनग्न हुलले बजार परिक्रममा गरेपछि…
जुम्ला, १९ असार । चार दिनदेखि अनसनरत डा. गोविन्द केसीको असमर्थनमा आज (मंगलबार जुम्ला सदरमुकाम खलङ्गामा अर्धनग्न जुलुस निकालिएको छ ।
चिकित्सा शिक्षा र गुणस्तरीय स्वास्थ्य सेवाका अभियान्ता डा.गोविन्द केसीको जीवन रक्षाको माग गर्दै नागरिक समाज जुम्लाले अर्धनग्न जुलुस निकालेको हो । हातमा हड्कडी लगाएर, मुखमा कालोपट्टी बाँधेर, आधा शरीर नाङ्गो पारेर कर्णालीको जुम्लामा अनसनरत डा. केसीको जीवन रक्षाको माग गर्दै जुलुस निकालिएको हो । जुलुस डा. गोविन्द केसी अनसन वसेको स्थान कवर्डहलवाट शुरु भएर अस्पताल र कृष्णमन्दिर हुँदै जिल्ला प्रहरी कार्यालयबाट कवर्ड हलमा आएर टुङ्गिएको थियो ।
डा. गोविन्द केसीको जीवनको रक्षा गर, माथेमा आयोगको प्रतिवेदन तत्काल कार्यान्वयन गर, अनसनमा भईरहेको प्रहरी निगरानी बन्द गर, डा. केसीका माग पूरा गरलगायतका प्लेकार्ड बोकेर मौन अर्ध नग्न जुलुस निकालिएको हो । डा. केसीको माग जायज भएको भन्दै तत्काल पुरा गरेर मृत्युको मुखवाट बचाउनको लागि दवाब दिइएको छ ।
नागरिक समाजका अध्यक्ष राजबहादुर महतले जबसम्म डा. केसीको जीवन रक्षाको ग्यारेण्टी हुँदैन तबसम्म दबाबमुलक संघर्षका कार्यक्रम जारी राखिने बताएका छन् । उनले भने, ‘यो व्यक्तिगत स्वार्थका लागि उठेको माग होइन सामुहिक भावना र मर्मअनुसार उठाइएको माग भएकाले सबै नागरिकको यसमा समर्थन छ ।’
