हङकङस्थित एनआरएन महिला फोरम संयोजकमा अनु
हङकङ, २४ असार । अनु राईको संयोजकत्वमा २१ सदस्यीय गैरआवासीय नेपाली (एनआरएन) महिला फोरम हङकङ गठन भएको छ ।
फोरमका सदस्यहरुमा विष्णु मुखिया, गीता गुरुङ, सावित्रा इङनाम, नानु गुरुङ, रिन्जी शेर्पा, निता थापा, कुरुण प्रधान, पवित्रा राई, देउकुमारी राई, सरस्वती चाम्लिङ, कल्याणी गुरुङ छन् ।
यस्तै अन्य सदस्यहरुमा अन्जु गुरुङ, अनिता राई, ईशु बर्देवा, देवी घिसिङ, सावित्री सुब्बा, विमता लिङदेन, सामिन वनेम, लक्ष्मी थापा र प्रभा राई छन् । फोरमले महिला सशक्तिकरण, नेतृत्व विकास, समृद्धिका मुद्दाहरुलाई सशक्त रुपमा उठाउने संयोजक राईले जानकारी दिएकी छन् ।
गैर आवासीय नेपाली संघकी अध्यक्ष राधिका गुरुङको प्रमुख आतिथ्यमा भएको भेलाले असली लिम्बू, युगमाया राना, सरस्वती घिसिङ, रचना प्रधान, गोमा पुन, निलम थापा, मन्जु थापा र पविता पुमा राईलाई फोरमको सल्लाहकार चयन गरेको छ ।
भेलालाई सम्बोधन गर्दै अध्यक्ष गुरुङले अन्तर्राष्ट्रिय समन्वय समितिमार्फत फोरमले नेपालका दुर्गम क्षेत्रमा महिला स्वास्थ्य शिविर, सीपमूलक तालिम र आयमूलक व्यवसाय सञ्चालनमा सहयोग गर्ने योजना रहेको सुनाइन् ।