अर्घाखाँचीका प्रवासीद्धारा एम्बुलेन्स सहयोग
-हरि कुँवर
अर्घाखाँची, २६ असार । अर्घाखाँची सेवा समाज कतारद्वारा जिल्लालाई एम्बुलेन्स हस्तान्तरण गरेको छ । अर्घाखाँची सेवा समाज कतारको पुर्ण आर्थिक सहयोगमा श्री सिद्देश्वर आनन्द बृद्ध आश्रम सन्धिखर्क नगरपालिका–२ चुत्रावेसीलाई मंगलबार एक कार्यक्रम आयोजना गरि हस्तान्तरण गरिएको हो ।
कार्यक्रम सन्धिखर्क नगरपालिका–१ अन्तर्गत शान्ति बगैँचाको पन्चाङ्ग मन्दिरको सभाहलमा हस्तान्तरण कार्यक्रममा गरिएको थियो ।
अर्घाखाँची जिल्ला स्वास्थ्य प्रमुख डा. जगन्नाथ तिवारीले आश्रमका संरक्षक नारायण प्रसाद खनाल अध्यक्ष दुर्गा प्रसाद श्रेष्ठलाई एम्बुलेन्सका कागजात र साँचो हस्तान्तरण गरे। संस्थाका पुर्व सह–कोषअध्यक्ष राजकुमार श्रेष्ठ, सदस्य घनश्याम न्यौपाने, बिष्णु क्षेत्री, पत्रकार महासंघ अर्घाखाँची शाखाका अध्यक्ष हिम ब. लेकाली, पत्रकार सयोगी बि. सी लगायतका व्यक्तिहरुको उपस्थीति रहेको थियो ।
‘प्रवासमा अर्घाखाँची बासीहरु एक हौ , नेपाली समाजका लागि सहयोग गरौ’ भन्ने मूल नाराका साथ सन् २००६ मा यस संस्थाको स्थापना भएको हो । वर्तमान अध्यक्ष ठाकुर कुमार परियार र महासचिव टेकराज थापा रहेका छन् ।
