गुण्डा नाइके दावा लामाका सहयोगी पक्राउ
काठमाडौं, २८ असार । गुण्डा नाइके दावा लामाका सहयोगी सत्यमान लामा आज (बिहीबार) पक्राउ परेका छन् । उनलाई आज काठमाडौंबाट पक्राउ गरिएको प्रहरीले जनाएकोक छ । महानगरीय प्रहरी परिसर काठमाडौंका प्रमुख एसएसपी विश्वराज पोखरेलले लामा पक्राउ परेको जानकारी दिए ।
पक्राउ परेका लामालाई लुटपाट, गुण्डागर्दी तथा अवैध डलर कारोबारमा संलग्न भएको आरोपमा परिसरले तीब्र रूपमा खोजी रहेको थियो ।
बुद्धचित्त मालाको तस्करीमा पनि संलग्न सत्मानमाथि गत वर्ष काभ्रेमा किसानको माला लुटपाट गरेको समेत आरोप लागेको थियो । उनी यसअघि रक्तचन्दन तस्करीमा समेत मुछिएका थिए ।