व्यक्तिविशेषले होइन नीति र विधिले नै नेता तथा कार्यकर्तालाई न्याय दिन्छ : विष्णु पौडेल
२०७५ जेठ ३ गते नेकपा (एमाले) र नेकपा (माओवादी केन्द्र) को बीचमा ऐतिहासिक पार्टी एकता भएर नेपाल कम्युनिस्ट पार्टी (ने क पा) को गठन भएको छ । केन्द्रीय कमिटीको प्रथम बैठक (३ जेठ) र केन्द्रीय सचिवालयको (७ जेठ) का बैठकले पार्टीको राजनीतिक कार्यदिशा र साङ्गठनिक एकताबारे गरेका महत्वपूर्ण निर्णयहरूको आधारमा १६ जेठ २०७५ मा पार्टीका मातहतका कमिटी, जनसङ्गठन तथा पेसागत सङ्गठनहरूको एकताको कार्यादेशसहित अन्तरपार्टी निर्देशन–१ जारी भएको छ । पार्टीका समस्त कमिटी, जनसङ्गठन र नेता कार्यकर्ताले यो एकता प्रक्रियालाई व्यग्रताका साथ पर्खिरहेका छन् । खासगरी एकता प्रक्रिया कहिलेसम्म कसरी टुङ्गिएला ? सबै नेता तथा कार्यकर्तालाई यो प्रक्रियामा कसरी न्याय होला ? यी अहिलेको चासोका विषय बनेका छन् । यिनै विषयहरूलाई केन्द्रमा राखेर नेपाल कम्युनिष्ट पार्टी (ने क पा)का महासचिव विष्णुप्रसाद पौडेलसँग राजेश राईले गरेको कुराकानी :-
