रुकुममा जीप दुर्घटना हुँदा चार यात्रुको मृत्यु, १० बढी घाइते
रुकुम, २ साउन । रुकुम (पूर्व) स्थित सिस्ने गाउँपालिका–५ मा जीप दुर्घटना हुँदा चार जनाको ज्यान गएको छ । सिस्ने गाउँपालिकाको रुकुमकोटबाट शाही गाउँपालिकाको धौलापैरा भन्ने ठाउँमा जादै गरेको लु १ ज २५७३ नम्बरको जीप धारपानीमा दुर्घटना हुँदा चार जनाको मृत्यु प्रहरीले जानकारी दिएको छ ।
मृतकहरुको पहिचान हुन सकेको छैन । दुर्घटनामा केही यात्रु घाइते छन् । घाइतेलाई उद्धार गरी स्वास्थ्य संस्थासम्म ल्याउने काम भइरहेको छ । नेपाली सेना, प्रहरी र स्थानीयले उद्धार गरिरहेका छन् ।
घटनाको विस्तृत विवरण आउँन बाँकी रहेको जिल्ला प्रहरी कार्यालय रुकुम (पूर्व) ले जानकारी दिएको छ । जीप सडकबाट करीब एक सय मिटर तल खसेको छ । बर्षाको समयमा सडक चिप्लो भएका कारण जीप दुर्घटना भएको हुन सक्ने अनुमान गरिए पनि के कारणले दुर्घटना भयो भन्ने बारेमा जानकारी आइसकेको छैन ।