वाम गठबन्धनको एकहप्ते अभियान ताप्लेजुङ-दार्चुला अभियान स्थगित
काठमाडौं: एमाले र माओवादी केन्द्रले पार्टी एकता संयोजन समितिका तर्फबाट सुरु गर्न लागेको एकहप्ते अभियान ताप्लेजुङ–दार्चुला अभियान स्थगित गरेका छन् ।
अभियानको पहिलो कार्यक्रमअन्तर्गत एमाले अध्यक्ष केपी ओली आइतबार ताप्लेजुङमा आयोजित चुनावी सभामा सहभागी भए पनि चुनावी कार्यक्रमको व्यस्तताका कारण माओवादी केन्द्रका अध्यक्ष पुष्पकल दाहाल प्रचण्ड सहभागी भएनन् ।
उनी आफ्नो चुनावी क्षेत्र चितवन–३ मा व्यस्त छन् । ‘नेताहरूको चुनावी व्यस्तताका कारण अहिलेलाई अभियान स्थगित भएको छ, आपसी सल्लाहमा फेरि सुचारु हुन सक्छ,’ श्रेष्ठले भने । यद्यपि, जिल्लादेखि गाउँ तहसम्म संयुक्त भेला, चुनावी सभालगायत कार्यक्रम भने जारी रहेको उनले बताए ।
