ऐतिहासिक यात्राको थालनी गरेर फर्कियो नेपाली क्रिकेट टोली
काठमाडौं, २१ साउन । नेदरल्याण्डमा ऐतिहासिक यात्राको थालनी गरेका टोली सोमबार बिहान स्वदेश फर्किएका छन् ।
त्रिभुवन विमास्थलमा नेपाली क्रिकेट टिम ।
नेपाली टोली नेदरल्यान्ड्ससँग दुई खेलको पहिलो एकदिवसीय अन्तर्रा्ष्ट्रिय क्रिकेट शृंखला खेलेर नेपाल फर्किएका हुन् ।
टोलीलाई राखेपका सदस्य सचिव केशवकुमार विष्टलगायतले त्रिभुवन अन्तर्रा्ष्ट्रिय विमानस्थलमा स्वागत गरे । नेपाली टोलीलाई स्वागत गर्न त्रिभुवन अन्तर्रा्ष्ट्रिय विमानस्थलमा क्रिकेट प्रेमी तथा शुभेच्छुकहरुको भीड लागेको थियो ।
स्वदेश फर्किएको टोलीमा क्रिकेटर सन्दिप लामिछाने भने देखिएनन् । उनी वेष्टइण्डिजमा अगस्ट ८ बाट सुरु हुन लागेको सिपिएल खेलका लागि नेदरल्याण्ड्सबाटै वेष्टइण्डिज गएका छन् ।
एकदिवसिय शृंखला नेपाल र नेदरल्यान्ड्सबीचको बराबरीमा टुंगिएको थियो । पहिलो खेलमा नेपाल ५५ रनले पराजित भएको थियो भने दोस्रो खेलमा १ रनले विजयी भएको थियो ।
नेपाल फेब्रअरीमा जिम्बावेमा भएको विश्वकप छनोटमा आठौं भएसँगै नेपाल वान–डे अन्तर्रा्ष्ट्रिय मान्यताप्राप्त राष्ट्र बनेको थियो । त्यसपछि नेपालले पहिलोपटक नेदरल्यान्ड्स वान–डे अन्तर्रा्ष्ट्रिय खेलेको हो ।
