गोंगबुबाट फेरि बालक अपहरण, खोज्न ८० जना प्रहरी परिचालन
काठमाडौं, २८ साउन । काठमाडौं काँडाघारीका ११ वर्षीय निशान्त खड्काको अपहरणपछि हत्याको घटना सेलाउन नपाउँदै फेरि अर्का एक बालक अपहरणमा परेका छन् ।
काठमाडौंको गोंगबुबाट अपहरणमा परेको भनिएका सिजान्त महतको खोजीका लागि प्रहरी परिचालन भएको जनाइएको छ । प्रहरीको अपराध महाशाखा र काठमाडौं परिसरले संयुक्त रूपमा बालकको खोजी गरिरहेको जनाएको छ ।
महतको खोजीका लागि ८० भन्दा धेरै प्रहरी परिचालन भएको प्रहरी स्रोतले जानकारी दिएको छ । सिजान्तलाई ‘अपहरण’ गरेका भनिएका दिलबहादुर कार्कीको मोबाइल स्वीच अफ रहेको जनाइएको छ ।
