हुलाकी राजमार्गका लागि भारतकाे ४७ करोड सहयोग
काठमाडौं, ३० साउन । हुलाकी राजमार्ग आयोजना निर्माणका लागि भारत सरकारले नेपाल सरकारलाई ४७ करोड रुपैयाँ सहयोग गरेको छ ।
भारतीय राजदूत मञ्जिवसिंह पुरीले उक्त रकम नेपाल सरकारलाई हस्तान्तरण गरेका हुन् । भौतिक पूर्वाधार तथा यातायात मन्त्रालयका सचिव मधुसुदन अधिकारीलाई मंगलबार सिंहदरबारमा सिंहले ४७ करोड रुपैयाँको चेक हस्तान्तरण गरेका हुन् ।
उक्त रकम हुलाकी राजमार्ग आयोजना अन्तर्गतका १४ वटा निर्माणाधीन सडकका लागि खर्च गर्ने सरकारको तयारी छ । यसअघि भारत सरकारले हुलाकी राजमार्ग निर्माणका लागि २.३५ विलियन रुपैयाँ प्रदान गरिसकेको छ । भारतीय सहयोगबाट धनगढी–भजनीया–सत्ती सडक र लम्की–टिकापुर– खक्रौला सडकको निर्माण पूरा भइसकेको छ ।
सन् १९५० देखि भारत सरकारले बहुक्षेत्रीय र बहुमुखी भारत–नेपाल आर्थिक सहकार्य कार्यक्रम अन्तर्गत नेपालमा राजमार्ग, सडक, पुल, विमानस्थल लगायतका पूर्वाधारको विकासका लागि आर्थिक सहयोग गर्दै आएको छ ।
