पूर्वराजदूत झा हत्या प्रकरणमा थप दुई पक्राउ
काठमाडौं, ४ भदौ । फ्रान्सका लागि पूर्व राजदूत केशव झाको हत्या प्रकरणमा सोधपुछका लागि प्रहरीले थप दुई जनालाई नियन्त्रणमा लिएको छ ।
काठमाडौंको बबरमहलस्थित निजी निवासमा भएको पूर्वराजदूत केशव झा हत्याको अनुसन्धानको क्रममा महानगरीय अपराध अनुसन्धान महाशाखालले झाको निवासमा कार्यरत् कुक सानु तामाङ र दुई जना मालीलाई नियन्त्रणमा लिएको हो ।
यसअभि महाशाखाले सुरक्षा गार्ड सानु तामाङलाई नियन्त्रणमा लिई प्रहरीले प्रारम्भिक सोधपुछ सुरु गरेको थियो ।
झाको पारिवारिक स्रोतका अनुसार तामाङ ७ वर्षदेखि त्यहाँ कार्यरत् थिए भने दुई जना माली भने हप्तामा दुई र तीन दिन सरसफाइका लागि आउने गरेको स्रोतले बताए ।
८० बर्षीय झाको टाउको र घाँटीमा गहिरो चोट लागेकोले प्रहरीले उनको मृत्युलाई हत्या बताएको हो ।
झाका छोरा–बुहारी शनिबार मात्र आयरल्याण्ड गएका थिए भने छोरी पनि नेपाल बाहिरै छिन् । उनीहरु दुवै चिकित्सक हुन् ।
परराष्ट्र सेवामा ३४ वर्ष विताएका झा फ्रान्सका लागि नेपालका पूर्व राजदूत हुन् ।
याे पनि पढ्नुहाेस्