वाम गठबन्धन र काँग्रेसबीच झडप
काठमाडौं: सोलुमा वाम गठबन्धन र नेपाली काँग्रेसका कार्यकर्ताबीच झडप भएको छ ।
शुक्रवार बिहान वाम गठबन्दनले टाँसेको चुनावी प्रचापत्र काँग्रेसका प्रतिनिधिसभा सदस्य उम्मेदवार बलबहादुर केसी सहितको टालीले च्यातेपछि झडप भएको हो ।
झडपमा परी आधा दर्जन घाइते भएका छन् । घाइतेहरुमध्ये कांग्रेसको जिल्ला कोषाध्यक्ष पेमा तामाङ र माओवादीको महाधिवेशन आयोजक समिति सदस्य दिलबहादुर नेपालीलाई बढी चोट लागेको छ ।
सोलुका स्थानिवासी लबिन्द्र राईका अनुसार वाम गठबन्धनले चुनाव प्रसारप्रसारका लागि टाँसेको पोष्टर काँग्रेसका प्रतिनिधिसभा सदस्य उम्मेदवार रहेको बलबहादुर केसी सहितको टोलीले च्यातेपछि वाम गठबन्धन प्रतिकार गर्दा झडप भएको बताएका छन् ।
उनका अनुसार झडपपछि गठबन्धनका उम्मेदवार हेमकुमार राई र काँग्रेस उम्मेदवार बलबहादुर केसीलाई सोताङ प्रहरी चौकीमा उपस्थित हुन प्रहरीले भनेका छन् । झडपको क्रममा प्रहरी पनि भएकाले ठुलो घट्ना भने नभएको बताएका छन् ।
