बंगलादेश विरुद्ध नेपालले दियो १८१ रनको लक्ष्य (लाइभ)


प्रकाशित मिति : November 11, 2017

काठमाडौँ: मलेसियामा जारी एसीसी अन्डर नाइन्टिन एसिया कप क्रिकेटमा नेपालले बंगलादेशसामु १ सय ८१ रनको लक्ष्य प्रस्तुत गरेको छ ।

मलेसियाको किन्नारा स्टेडियममा बर्षाले प्रभावित खेलमा नेपालले बंगलादेशलाई १ सय ८१ रनको लक्ष्य प्रस्तुत गरेको हो । ४१ दशमलब १ ओभरमा नेपालले ६ विकेटको क्षतिमा १ सय ६७ रन बनाउदाँ बर्षाका कारण नेपालको पारी अबरुद्ध भएको थियो । बर्षापछि खेल सुरु हुँदा डकवर्थ लुइस आधारमा नेपालको स्कोर १ सय ८० कायम गरियो । अहिले बंगलादेश १ सय ८१ रन पछ्याउँदै जवाफी ब्याटिङ गरिरहेको छ ।

नेपालका लागि भिम सार्कीले ४४, रोहित कुमार पौडेले ४०, आरिफ शेखले ३०, अनिल कुमार साहले १९ रन बनाउँदा कप्तान दिपेन्द्रसिह ऐरी १२ रनमा पलेबियन फर्किए । वर्षातका कारण ढिलो सुरु भएको खेल ४३ ओभरमा खेलाइएको छ ।

 

प्रतिक्रिया दिनुहोस्