चारपटकको विश्वविजेता इटाली विश्वकप फुटबलमा छनोट हुन असफलमा झरेकाे आँशु (फोटोफिचर)


प्रकाशित मिति : November 14, 2017

काठमाडौं: चारपटकको विश्वविजेता इटाली विश्वकप फुटबल प्रतियोगितामा छनोट हुन असफल भएको छ । घरेलु मैदानमा स्वीडेनसँग भएको अन्तिम प्लेअफ म्याचमा गोलरहित बराबरीमा रोकिएपछि इटाली विश्वकपबाट बाहिरिएको हो ।

पहिलो प्लेअफमा १–०ले विजयी भएको स्वीडेन समग्रमा १–० गोलले विजयी हुँदै आगामी वर्ष रसियामा हुने विश्वकपका लागि टिकट पक्का गर्यो । उता, इटाली भने ६० वर्षपछि पहिलोपटक विश्वकप प्रतियोगितामा पुग्नबाट बञ्चित भयो ।

१९५८ मा स्वीडेनले आयोजना गरेको विश्वकप खेल्न असफल भएको इटाली त्यसयता निरन्तर विश्वकप प्रतियोगितामा छनोट हुँदै आएको थियो । पूर्वविजेता इटाली विश्वकप प्रतियोगितामा पुग्न असफल भएपछि फुटबल प्रशंसकहरूले खल्लो महसुस गरेका छन् ।
घरेलु मैदानमा अधिकांश समय बलमाथि नियन्त्रण कायम राखे पनि गोल गर्न नसक्दा इटालीले यो नजिता सामना गर्नुपरेको हो । खेलमा इटालीले बलमाथि ७० प्रतिशतभन्दा बढी नियन्त्रण कायम राखेको थियो ।

यो । सन् १९३४, १९३८, १९८२ र २००६ को विश्वकप विजेता इटाली १९७० र १९९४ मा उपविजेता बनेको थियो । समग्रमा इटालीलाई १–० ले हराउँदै स्वीडेन १२ औं पल्ट विश्वकपमा छानिएको हो । 

 

प्रतिक्रिया दिनुहोस्