अब मोवाईल फोनको पनि विमा हुने, यस्तो छ प्रावधान
काठमाडौं,३असोज । नेपालमा मोवाईल फोन विमासम्बन्धि सेवा पनि सञ्चालनमा आएको छ । मेरो सुरक्षा प्रालि र प्रिमियर इन्स्योरेन्स कम्पनीबीच मोवाईल फोन विमासम्बन्धि सेवा सञ्चालन गर्ने समझदारी भएको हो ।
सोमबार काठमाडौंमा पत्रकार सम्मेलन गरी सार्वजनिक गरिएको सो सेवा लिन मोवाईल फोन धनीले आफ्नो मोवाइलको मूल्यको ५ प्रतिशत रकम विमाका लागि प्रिमियर इन्स्योरेन्स कम्पनीमा बुझाउनुपर्नेछ ।
मोवाईल फोन विमा गरेपछि कम्पनीले एक वर्षसम्म सो मोवाईल फुटेमा, आगो वा पानीले मोवाईलको भौतिक क्षति भएर नचल्ने भएमा वा हराए÷चोरी भएमा मेरो सुरक्षा प्रालिले पहिलेको मोवाईलको डाटासहित नयाँ मोवाइल सेट उपलब्ध गराउनेमेरा सुरक्षा प्रालिका प्रमुख कार्यकारी अधिकृतक प्रेम सुनुवारले जानकारी दिए ।
कम्पनीले मोवाईल फोन विमा कार्यक्रमका लागि महानायक राजेश हमाललाई ब्रान्ड एम्बेसडर पनि नियुक्त गरेको छ ।