२० वर्षीया मोडल ताराको गोली हानी हत्या, हत्याराको खोजी तीब्र
काठमाडौं, १५ असोज । इराककी सोसलमिडिया सेलिब्रिटी, मोडल, डिजाइनर तारा फारिसको हत्याराको खोजी तीब्र पारिएको छ ।
राजधानी बगदादमा कारमा बसिरहेकी उनीमाथि गोली प्रहार भएको थियो । उनीमाथि छ गोली प्रहार गरिएको थियो ।
सामाजिक सञ्जाल इन्स्टाग्राममा २७ लाख फ्लोअर रहेकी २० वर्षीया फारिस स्टाइलिस हेयर कलर र फेशन डिजाइनमा चर्चित थिइन् । इराकी बाबु र लेवनानी आमाबाट जन्मिएकी ताराले सन् २०१५ मा सौन्दर्य प्रतियोगिता जितेकी थिइन् ।
पछिल्लो समय युरोप बस्दै आएकी तारा एक हप्ताका लागि इराक पुगेकी थिइन् । उनको चर्चा र जीवनशैलीका कारण अतिवादीहरुको निशानामा परेको हुनसक्ने एजेन्सीहरुको भनाइ छ ।
इराकी व्यंग्यकार अहमज ए बशीरले घटनामा दुःख व्यक्त गर्दै भनेका छन्, ‘कसैले उनको हत्या यति मात्र कारणले ग¥यो कि उनले अरु केटीहरु जस्तै जिउने निर्णय गरिन् ।’ इराकको पुलिसले हत्यारा खोजी गरिरहे पनि अहिलेसम्म पत्ता लाग्न सकेकोे छैन । एजेन्सी
