‘कानून निर्माण नभएकाले जनअपेक्षाअनुसार काम हुन सकेन’


१० कार्तिक २०७५, शनिबार
0 Shares

बुटवल, १० कात्तिक । प्रदेश नं– ५ का प्रमुख उमाकान्त झाले कानून निर्माण हुन नसकेको कारण प्रदेश सरकारले जनअपेक्षा अनुसार काम गर्न नसकेको बताएका छन् ।

गौतमबुद्ध सामुदायिक मुटु अस्पताल, बुटवलमा अत्याधुनिक १२८ स्लाइसको सिटी स्क्यान उपकरणको आज यहाँ उद्घाटन समारोहमा उनले प्रदेश सरकारमार्फत विकास निर्माणका काम तल्लो तहसम्म पुग्न नसकेको बताए ।

salt trading.gif.pagespeed.ce .ZcRuUKaeUT

प्रदेश प्रमुख झाले प्रदेश सरकारलाई ‘फङसनल’ बनाउन संघ, प्रदेश र स्थानीय सरकारले मिलेर काम गर्नुपर्नेमा जोड दिँदै सरकारको एकल प्रयासबाट मात्रै सबै काम सम्भव नहुने विचार राखे ।

अस्पतालका अध्यक्ष एजाज आलमले गुणस्तरीय स्वास्थ्य सेवाका लागि अस्पताल अग्रसर भएको उल्लेख गर्दै अस्पतालको नयाँ उपकरणका लागि रोटरी क्लबसँग मिलेर पुनः नयाँ परियोजना ल्याउन लागेको जानकारी दिए ।

jagdamba.cement

अस्पतालका निर्देशक तथा मुटु रोग विशेषज्ञ डा. समिर गौतमले अत्याधुनिक सिटी स्क्यान उपकरणले जन्मजात मुटुको रोग सम्बन्धी समस्या समाधान गर्न सहयोग पुग्ने विश्वास गर्दै एक्सरे भन्ने विकिरण प्रविधि नै सिटी स्क्यान उपकरण भएको बताए ।

सो कार्यक्रममा प्रदेश नं ५ का प्रदेशसभा सदस्यद्वय दधिराम न्यौपाने, विष्णु पन्थी, नेकपा रुपन्देहीका सचिव निर्मल जिसी, बुटवल उप– महानगरपालिकाका प्रमुख शिव सुवेदी, तिलोत्तमा नगरपालिकाका प्रमुख वासुदेव घिमिरे, पत्रकार महासंघ रुपन्देहीका कार्यबाहक अध्यक्ष दिनेश पाण्डे, नेपाली कांग्रेस बुटवलका नगर सभापति खेलराज पाण्डेले सिटी स्क्यान उपकरण बुटवल आएकोमा खुशी व्यक्त गरे ।

सात करोडको लगानीमा भित्र्याइएको उक्त उपकरणबाट मुटु, बाहेक, मृगौला, फोक्सो, टाउको, घुँडालगायतका शरीरको विभिन्न अङ्गको सिटी स्क्यान गर्न मिल्ने बताइएको छ । रोटरी क्लब अफ सेन्ट्रल बुटवल र रोटरी क्लब अफ सेन्ट्रल लुम्बिनीको सहयोगमा उपकरण भित्रिएको हो ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७