नापी सर्वेक्षक दुई लाख घुससहित रङ्गेहात पक्राउ
सिरहा, १३ कात्तिक । नापी कार्यालय लहानमा कार्यरत नापी सर्वेक्षक सेवाग्राहीसँग घुस लिंदै गरेको अवस्थामा रङ्गोहात समातिएका छन् ।
सर्वेक्षक देवनारायण चौधरी आफ्नै कार्यकक्षमा सेवा ग्राहीसँग दुई लाख रुपैयाँ घुस लिँदै गरेको अवस्थामा पक्राउ परेका हुन् ।
चौधरीलाई अख्तियार दुरुपयोग अनुसन्धान आयोग बर्दिबासबाट आएको प्रहरी नायव उपरीक्षक प्रेमसागर केसीको टोलीले रङ्गेहात समातेको हो ।
पक्राउ परेका चौधरीले सखुवा नन्कार्कटी गाउपालिका–२ का एक सेवाग्राहीको श्रेस्ता सच्चाउनका लागि घुस मागेका थिए ।
जग्गाको श्रेस्तामा १ कठ्ठा ३ घुर जग्गा रहेकामा त्यसलाई सच्चाएर १ विघा ३ कठ्ठा बनाउन घुस लिइरहेको पाइएको प्रहरी नायब उपरीक्षक केसीले जानकारी दिएका छन् । चौधरीबारे थप अनुसन्धान भइरहेको जनाइएको छ ।