निगमका वाइडबडी विमान पूर्ण क्षमतामा सञ्चालन


१३ कार्तिक २०७५, मंगलवार
0 Shares
NepalAirlines

काठमाडौं, १३ कात्तिक । राष्ट्रिय ध्वजाबाहक नेपाल वायुसेवा निगमको नयाँ ‘वाइडबडी’ विमानले पूर्ण क्षमतामा सञ्चालन भइरहेको छ ।

NepalAirlines

निगमको पहिलो वाइडबडी ‘ए’ ३३०–२०० ‘नाइन एन एएलवाइ’ कलसाइनको ‘अन्नपूर्ण’ र दोस्रो वाइडबडी ‘ए’ ३३०–२०० ‘नाइन एन एएलजेट’ कलसाइन ‘मकालु’ विमानले पूरानै गन्तव्यमा व्यावसायिक उडान गरिरहेको हो ।

salt trading.gif.pagespeed.ce .ZcRuUKaeUT

अन्तर्राष्ट्रिय उडानमा पूरानै गन्तव्यमा उडान भर्दै आएका नयाँ विमानको पछिल्लो महिनामा ७४ प्रतिशत सिट भरिएको निगमका प्रवक्ता अशोक सिग्देलले जानकारी दिए ।

भारतको नयाँदिल्ली, मलेसियाको क्वालालम्पुर, थाइल्याण्डको बैंकक, कतारको दोहा र हङ्कङमा नियमित उडान भर्दै आएको छ ।

jagdamba.cement

कूल २७४ सिट क्षमताको दुबै विमानको १८ सांग्र्रिला ‘बिजनेस क्लास’ र २५६ सिट साधारण क्लासका छन् । दुबै विमान सरकारको जमानीमा निगमले कर्मचारी सञ्चय कोष र नागरिक लगानी कोषको करीब २४ अर्बमा खरीद गरेको हो ।

अझै पाएन नयाँ गन्तव्य
निगमले तिहार लगत्तै चीन, जापान, दक्षिण कोरिया, साउदी अरेबियाको रियादमा सेवा शुरु गर्ने जनाए पनि नयाँ गन्तव्यको टुङ्गो नलाग्दा अहिले पूरानै गन्तव्यमा वाइडबडी उडान बाध्य भएको हो ।

उल्लेखित गन्तव्यमा सेवा सञ्चालनका लागि आवश्यक पहल भइरहेको निगमको भनाइ छ । ती गन्तव्यमा उडान सञ्चालनबारे पत्राचार एवं दुईपक्षीय छलफलसमेत भइसकेको छ । दक्षिण कोरियाले नेपालको उडान अडिट गर्न प्राविधिक टोली पठाउने जनाए पनि यकिन हुन सकेको छैन ।

नयाँ विमानले पुराना गन्तव्यमा पूर्ण क्षमताका साथ व्यावसायिक उडान भर्दै आएकाले बजारमा हल्ला आएजस्तो निगमलाई ठूलो आर्थिक भार नपरेको प्रवक्ता सिग्देलले बताए ।

निगमको पहिलो वाइडबडी अन्नपूर्ण गत असार १४ र दोस्रो वाइड बडी मकालु विमान साउन १० गते काठमाडौँ अवतरण गरेको थियो । अन्नपूर्णले साउन १६ देखि कतारको दोहामा व्यावसायिक उडान शुरु गरेको थियो भने मकालुले दुई महिना अघिदेखि बैंककबाट व्यावसायिक उडान गरेको थियो ।

निगमले हाल नयाँदिल्ली, बैङ्गलोर र मुम्बई, हङकङ, मलेसिया, थाइल्याण्ड, दोहा र दुबईमा उडान गर्दै आएको छ । एक बोइङ नाइन एसिबी–५७५, दुई वाइडबडी ‘ए’ ३३०–२०० र एयरबस ३२० सिरिजका दुई जहाजबाट निगमले अन्तर्राष्ट्रिय उडान गरिरहेको हो ।

निगमले आन्तरिकतर्फ ९ विमानबाट सेवा दिइरहेको छ । तीमध्ये चीनबाट ल्याइएका वाई १२ चार, एमए ६० दुई र तीन ट्वीनअटर विमान छन् ।

सरकारसँग २० अर्ब माग
निगमले पूँजी विस्तारका लागि भन्दै सरकारसँग २० अर्ब माग गरेको छ । निगम सञ्चालक समितिको निर्णयअनुसार सञ्चीत पूँजी वृद्धि गर्न रकम माग गरिएको निगमका प्रवक्ता अशोक सिग्देलले बताए ।

निगमले व्यावसायिक बजार विस्तारका लागि आन्तरिक तथा अन्तर्राष्ट्रिय दुबैतर्फ क्रमशः नयाँ विमान थप्दै जाने घोषणा गरिसकेको छ । निगमले विगत तीन वर्षदेखि यो रकम माग गर्दै आएको थियो ।

रकमका लागि संस्कृति, पर्यटन तथा नागरिक उडड्यन मन्त्रालयले अर्थ मन्त्रालयलाई पत्राचार गरेको र उक्त प्रस्ताव अहिले विचाराधीन अवस्थामा रहेको निगमको भनाइ छ ।

त्रिभुवन अन्तर्राष्ट्रिय विमानस्थलबाट तीन नेपाली निगम, हिमालय एयरलाइन्ससहित ३१ वटा वायुसेवा प्रदायक कम्पनीले अन्तर्राष्ट्रिय उडान भर्दै आएका छन् । नेपालको पर्यटन प्रवद्र्धनमा सहयोग पुर्‍याउने लक्ष्यका साथ नयाँ जहाज खरीद गरिएको र त्यसले निगमको हिस्सा बढाउनसमेत सहयोग पुग्ने विश्वास लिइएको छ ।

सरकारले सन् २०२० लाई नेपाल भ्रमण वर्षको रुपमा मनाएर २० लाख पर्यटक भित्र्याउने लक्ष्य लिएको छ । उक्त लक्ष्यलाई सार्थक तुल्याउन वाइड बडी विमानको महत्वपूर्ण भूमिका हुनेछ । यी विमानलाई पूर्ण व्यावसायिक क्षमताका साथ धेरै गन्तव्यमा पुर्‍याउनु निगमको अवसर र चुनौती दुवै छ ।

प्रतिक्रिया

  • प्रधान सम्पादक
  • राजेश राई
  • कार्यकारी सम्पादक
  • राजु शिवा
  • सूचना विभाग दर्ता नं.
  • १८०२/२०७६-७७