शान्तिनगरको सुकुमबासी बस्तीमा भिषण आगलागी
काठमाडौं, २९ मंसिर । काठमाडौं शान्तिनगरस्थित सुकुमबासी बस्तीमा आगलागी भएको छ । अहिले आगो नियन्त्रणमा लिने प्रयास जारी रहेको महानगरीय प्रहरी वृत्त, बानेश्वरका डीएसपी दक्षकुमार बस्नेतले जानकारी दिएका छन् ।
बस्नेतका अनुसार आगो नियन्त्रणमा लिनका लागि काठमाडौं र ललितपुर महानगरपालिकासहितका दमकल परिचालित छन् । प्रारम्भिक अनुसन्धानमा ग्यास लिक भएर आगो फैलिएको हुनसक्ने देखिएको जनाइएको छ ।