उपेन्द्र नेतृत्वको फोरम सरकारमा आउने
काठमाण्डौं, ६ फागुन : उपेन्द्र यादव नेतृत्वको संघीय समाजवादी फोरम, नेपाल ओली सरकारमा आउने भएको छ । पार्टीका सहअध्यक्ष राजेन्द्र श्रेष्ठले मुलुकमा राष्ट्रिय एकताको सन्देश दिन पनि आफ्नो पार्टी बाम गठबन्धन नेतृत्वको सरकारमा सहभागी हुन तयार रहेको जानकारी दिएका छन् ।
आईतबार काठमाण्डौंमा आयोजित साक्षात्कार कार्यक्रममा बोल्दै उनले राष्ट्रिय सहमतिका लागि आफूहरुलाई केन्द्रीय सरकारमा सहभागी गराए बामगठबन्धनलाई पनि प्रदेश नम्बर–२ को सरकारमा समेटने योजना रहेको जनाए । केन्द्रमा बाम गठबन्धन र प्रदेश २ मा आफूहरुलाई जनताले सरकार चलाउन म्यान्डेट दिएको सहअध्यक्ष श्रेष्ठको भनाई छ । सहअध्यक्ष श्रेष्ठले मुलुकलाई एकतावद्ध बनाएर लैजान बाम गठबन्धन नेतृत्वको सरकार तयार हुनुपर्ने पनि उल्लेख गरेका छन् ।