भारतमा कोरोनाबाट मृत्यु हुनेको संख्या चार लाख नाघ्यो
नयाँदिल्ली, १८ असार । भारतमा कोरोना भाइरसबाट मृत्यु हुनेको संख्या चार लाखभन्दा बढी पुगेको छ । त्यहाँको केन्द्रीय स्वास्थ्य मन्त्रालयका अनुसार गएको २४ घण्टामा भारतमा ८५३ कोरोना संक्रमितको मृत्यु भएको छ ।
यससँगै भारतमा कोरोनाबाट मृत्यु हुनेको कुल संख्या चार लाखभन्दा बढी पुगेको हो । शुक्रबारसम्म चार लाख ३१२ जनाको मृत्यु भएको तथ्यांक छ । हाल भारतमा ५ लाख सक्रिय संक्रमित छन् । पछिल्लो समय यहाँ कोरोनाको प्रभाव कम हुँदै गएको छ ।
कोरोनाबाट संक्रमित हुनेको कुल संख्या भने भारतमा ३ करोड ४ लाख ५८ हजार पुगेको छ । २ करोड ९५ लाख ४८ हजार भने कोरोनामुक्त भएका छन् । एजेन्सी
