३,२१८ जनामा कोरोना संक्रमण, १,७२२ जना निको, १९ को मृत्यु
काठमाडौं, २३ साउन । नेपालमा पछिल्लो २४ घण्टामा थप ३,२१८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १३,५७३ जनामा गरिएको परीक्षणमा ३,२१८ जनामा संक्रमण पुष्टि भएको हो ।
पछिल्लो २४ घण्टामा थप १,७२२ जना संक्रमणमुक्त भएका छन् । हालसम्म नेपालमा कोरोनामुक्त हुनेको संख्या ६ लाख ६७ हजार २७० छ । मन्त्रालयका अनुसार २४ घण्टामा संक्रमणबाट १९ जनाको मृत्यु भएको छ भने सक्रिय संक्रमितहरुको संख्या ३५ हजार ४३२ रहेको छ ।
अहिलेसम्म देशभर संक्रमणबाट मृत्यु हुनेको संख्या १० हजार ३८ पुगेको छ । हालसम्म ३६ लाख ७४ हजार ७०१ पीसीआर परीक्षण भएको छ । आइसोलेसनमा रहनेको संख्या ३५ हजार ४३२ रहेको छ भने ४४३ जना क्वारेन्टाइनमा छन् ।
