प्रधानन्यायाधीश राणाले राजीनामा दिनुपर्छ : राजेन्द्र महतो
वीरगञ्ज, ३० कात्तिक । लोकतान्त्रिक समाजवादी पार्टीका नेता राजेन्द्र महतोले निकासका लागि प्रधानन्यायाधीश चोलेन्द्र शम्शेर राणाले पदबाट राजीनामा दिनुपर्ने बताएका छन् ।
मंगलबार वीरगञ्जमा आयोजित पत्रकार सम्मेलनमा जनताले न्याय नपाउनुको कारण प्रधानन्यायाधीश नै भएको ठहर गर्दै राणाले निकास दिनुपर्ने बताए । अदालत नचलेकाले जनताले न्याय नपाएको उनको भनाइ थियो ।
कानून व्यवसायी आन्दोलनमा हुँदा प्रधानन्यायाधीश मौन बस्नु राम्रो नभएको नेता महतोले बताए । न्यायालय असफल हुनु भनेको देश असफल भएको बताउँदै उनले न्यायालयको गरिमा जोगाउनकै लागि भए पनि राणाले राजीनामा दिनुपर्ने बताए ।
