जापानबाट १० अर्ब ३९ करोड रुपैयाँ ऋण सहयोग
काठमाडौं । सरकारले जापानबाट १० अर्ब ३९ करोड रुपैयाँ बराबरको ऋण सहयोग लिने निणर्य गरेको छ । उत्पादन तथा आर्थिक वृद्धिको लागि प्राप्त हुने १० बिलियन अर्थात् करिब १० अर्ब ३९ करोड नीतिगत ऋण सहायता स्वीकार गर्ने मन्त्रिपरिषद्को बैठकले निणर्य गरेको हो ।
मन्त्रिपरिषद् बैठकको निणर्य सुनाउँदै सरकारका प्रवक्ता एवम् सूचना तथा सञ्चार प्रविधिमन्त्री ज्ञानेन्द्र बहादुर कार्कीले हिजोको मन्त्रिपरिषद् बैठकले उक्त निणर्य गरेको जानकारी दिए ।